القواعد العشرون لعمليات السمنة!!
القاعدة الأولى: متعملش جراحات السمنة لو مؤشر كتلة الجسم عندك أقل من 30 أو الزيادة فى وزنك عن المثالى أقل من 30 كيلو، لأنك مش فى إحتياج ليها..و لو عملتها، ممكن تنزل فى وزنك جداً أقل من الطبيعى و يصبح فى ضرر على جسمك.

القاعدة الثانية:متقدمش على جراحات السمنة لو مجربتش الدايت و الرياضة..لأن ممكن وزنك يستجيب بسهولة لطريقة منهم و تحقق حلمك بالنزول فى الوزن.

القاعدة الثالثة: احكى لدكتورك عن عادات أكلك و نمط حياتك علشان يقدر يقرر العملية الأنسب ليك من تكميم للمعدة، تحويل المسار المصغر، الساسى أو غيرها من الحلول الآمنة للنزول فى الوزن.

القاعدة الرابعة:متديش ودنك للناس لو قررت الجراح المناسب و نوع العملية المناسبة..لأنك انت أكتر واحد هتستفيد من عمليات السمنة.

القاعدة الخامسة:حاوط نفسك بناس يشجعوك على إجراء العملية و ابعد عن المحبطين..تقدر تتواصل مع الناس اللى سبقوك فى إجراء العملية و حصدوا نتايجها و استفيد من خبراتهم و تشجيعهم.

القاعدة السادسة:العملية هى نصف المشوار..المتابعة الجيدة بعد العملية و الإلتزام بتعليمات الطبيب هى النجاح بجد.

القاعدة السابعة:متخافش و انسى حياتك قبل العملية لأنك هتلاحظ تغييرات مبهرة فى طريقة أكلك، نمط حياتك، صحتك و نشاطك و كمان نفسيتك.

القاعدة الثامنة:تقدر تتفادى الترهلات بعد عمليات السمنة ب3 طرق:الرياضة، الأكل الصحى و شرب المياه.

القاعدة التاسعة:وقف أكل مباشرة أول ما تحس بالشبع بعد عمليات السمنة..لأن تناولك أكل بكميات كبيرة فوق طاقة المعدة و حجمها ممكن يسبب تمددها و رجوعك فى الوزن مرة تانية.

القاعدة العاشرة:متعملش عمليات السمنة و أنت مش متأكد من الدكتور بتاعك لأنها عمليات بتتطلب مهارة عالية و خبرة سنوات لتحصل على النتائج اللى بتنتظرها.

القاعدة الحادية عشر:اتبع النظام الغذائى المكتوب بعد العملية خاصةً فى الأسابيع الأولى بعد العملية.

القاعدة الثانية عشر:متكسلش و تابع دكتور التغذية بعد العملية للحفاظ على نتايج العملية .

القاعدة الثالثة عشر:متهملش شرب المياه بعد عمليات السمنة لأنها مهمة جداً للحفاظ على نضارة البشرة و منع تساقط الشعر، تجنب الإمساك و منع الدوخة و زغللة العين.

القاعدة الرابعة عشر:المكمل الغذائى مهم جداً بعد العملية لتعويض نقص البروتين و العناصر الغذائية.

القاعدة الخامسة عشر:مفيش حاجة اسمها عمليات السمنة بالفتح الجراحى..بتتم بالمنظار و ده بيديها مميزات كتيرة جداً أهمها قلة الألم.

القاعدة السادسة عشر:لازم تسمع شهادات من المرضى اللى عملوا العملية مع الدكتور اللى انت اخترته..لأن ده هيفرق جداً فى قرارك.

القاعدة السابعة عشر:مفيش ألم بعد العملية..لأننا بنستخدم جهاز PCA لتسكين الألم.

القاعدة الثامنة عشر:متشتريش لبس جديد بعد العملية لأنك كل شوية هتنزل فى الوزن لحد ما تثبت فهتتغير مقاساتك كتير.

القاعدة التاسعة عشر:مش محتاج تسافر خارج مصر لعمل عمليات السمنة لأنها أصبحت متقدمة جداً فى مصر.

القاعدة العشرون:انسى عاداتك القديمة قبل العملية لأنك هتتبتدى حياة جديدة صحية .

اضغط هنا للرجوع لصفحة الأسئلة